سعودی ایئرلائن کی بہترین خدمات، 2024 میں مسافروں نے ریکارڈ تعداد میں سفر کیا

سعودیہ نے 2024 کی تیسری سہ ماہی کے لیے مہمانوں کی نقل و حمل میں 10 فیصد اضافے کا اعلان کردیا۔

پاکستان میں فضائی خدمات کی توسیع سمیت 49,500 سے زیادہ پروازوں میں 9 ملین سے زیادہ مہمانوں کی آمدورفت ریکارڈ کی گئی، سعودی عرب کے قومی پرچم بردار ادارے کی تیسری سہ ماہی کے لیے اپنی آپریشنل کارکردگی میں نمایاں اضافہ ہوا ہے۔

ایئر لائن نے نو ملین سے زائد مہمانوں کو خدمات فراہم کیں جو کہ 2023 کی اسی مدت کے مقابلے میں 10 فیصد زائد ہے۔، اس کامیابی کو 50 ہزار کے قریب پروازوں نے سپورٹ کیا، جو فلائٹ آپریشنز میں 9 فیصد اضافے کی عکاسی کرتا ہے۔

سعودیہ نے 146,700 پروازوں کے اوقات کار کو لاگو کیا، جو کہ گزشتہ سال کے مقابلے میں 11 فیصد اضافے کو ظاہر کرتا ہے، جس میں سے 87.8 فیصد متاثر کن بروقت کارکردگی کی شرح ہے۔

سعودی عرب اور پاکستان کے درمیان فلائٹ سروسز میں توسیع اور رابطے میں اضافہ ہو سکتا ہے، سفری سہولیات میں اضافہ پاکستانی شہریوں، سیاحوں اور زائرین کے لیے آسان رسائی کو ممکن بنا سکتا ہے۔