زین قریشی پارٹی عہدے سے مستعفی ہوگئے

پاکستان تحریک انصاف (پی ٹی آئی) کے رہنما زین قریشی بطور ڈپٹی پارلیمانی لیڈر عہدے سے مستعفی ہوگئے۔

اے آر اوئی نیوز کے مطابق پی ٹی آئی رہنما زین قریشی کی جانب سے شوکاز نوٹس ملنے کے بعد پارٹی عہدے سے استعفیٰ دیا گیا ہے۔

انہوں نے کہا کہ شوکاز کا باضابطہ طور پر جواب دے دیا ہے، آزاد اور شفاف انکوائری کے لے عہدے سے استعفیٰ دیا ہے۔

زین قریشی کا کہنا ہے کہ بانی پی ٹی آئی، اپے والد اور پارٹی کا وفادار تھا، ہوں اور رہوں گا۔

واضح رہے کہ گزشتہ دنوں 26 ویں آئینی ترمیم سے متعلق پی ٹی آئی کے ایم این اے زین قریشی کا ویڈیو بیان سامنے آیا تھا۔