امارات نے سوڈان کے متاثرین کےلیے 100 ٹن امدادی سامان بھیج دیا
متحدہ عرب امارات نے سوڈانی عوام کی مدد کے لیے کھانے پینے کی اشیا اور طبی سازوسامان سے لدے تین طیارے بھیجے ہیں۔
امارات کی سرکاری نیوز ایجنسی وام کے مطابق اماراتی طیارے پورٹ سوڈان پہنچ گئے۔ ان پر 100 ٹن سے زیادہ کھانے پینے کی اشیا ،ادویہ، طبی لوازمات اور ہنگامی حالات میں درکار طبی سازوسامان موجود ہے۔
تیسرا طیارہ چاڈ میں روانہ کیا گیا جس پر 15 ٹن امدادی سامان لدا ہوا ہے۔ یہ سامان سوڈان میں بحرانی حالات سے متاثر ہوکر چاڈ میں پناہ لینے والے سوڈانیوں کی ہنگامی مدد کے لیے بھیجا گیا ہے۔