امارات کا ملازمین کی انشورنس رجسٹریشن کی نئی آخری تاریخ کا اعلان

متحدہ عرب امارات نے بے روزگاری انشورنس اسکیم کی رجسٹریشن کے لیے نئی آخری تاریخ کا اعلان کردیا، رجسٹر نہ کرنے پر 400 درہم جرمانہ عائد کیا جائے گا۔ مقامی میڈیا کے مطابق متحدہ عرب امارات میں انسانی وسائل اور امارات کی وزارت (ایم او ایچ آر ای) نے اعلان کیا ہے کہ بے روزگاری انشورنس کے لیے اندراج نہ کرانے پر جرمانے یکم جولائی 2023ء کی سابقہ تاریخ کی بجائے اب یکم اکتوبر 2023 سے لاگو ہوں گے، تمام شہریوں اور رہائشیوں کو رجسٹر کرنے اور اسکیم کے فوائد سے لطف اندوز ہونے کی اجازت دینے کے لیے تاریخ مین توسیع کی گئی، ملازمین ویب سائٹ، سمارٹ ایپلی کیشن، کیوسک ڈیوائسز، اے ٹی ایمز، بزنس سروس سینٹرز، ایکسچینج کمپنیوں، بینکنگ ایپلی کیشنز، ٹیلی کام کمپنیوں کے بل اور ٹیکسٹ میسجز کے ذریعے رجسٹر کر سکتے ہیں۔

معلوم ہوا ہے کہ متحدہ عرب امارات کی لازمی ملازمت سے محرومی کی انشورنس اسکیم میں ملازمین کے 2 نئے زمرے شامل کیے گئے ہین، وزارت انسانی وسائل اور امارات (MoHRE) کی طرف سے دو نئی کلاسوں کے اضافے کے ساتھ متحدہ عرب امارات کی ملازمت سے محرومی کی اسکیم کو سبسکرائب کرنے والے ملازمین کی تعداد میں توسیع کی گئی ہے، یکم جنوری 2023ء سے وزارت نے نجی شعبے اور وفاقی حکومت میں کام کرنے والے ملازمین کے لیے ملازمت سے محرومی کی انشورینس کو سبسکرائب کرنا لازمی قرار دیا گیا، مفت زونز اور نیم سرکاری اداروں میں کام کرنے والے ملازمین بھی ایم او ایچ آر ای کی جانب سے متعارف کرائی گئی غیر ارادی ملازمت کے نقصان (ILoE) اسکیم کے لیے اندراج کرسکتے ہیں۔

بتایا گیا ہے کہ انشورنس اسکیم کے تحت 16 ہزار درہم سے کم بنیادی تنخواہ والے ملازمین کو 5 درہم فی ماہ یا 60 درہم سالانہ کے علاوہ پریمیم کے طور پر VAT ادا کرنا ہوگا، انہیں مسلسل تین مہینوں تک ملازمت سے محروم ہونے پر اوسط بنیادی تنخواہ کا 60 فیصد معاوضہ دیا جائے گا جب کہ 16 ہزار سے زیادہ کی بنیادی تنخواہ والے ملازمین کو اس اسکیم کے تحت 10 درہم ماہانہ یا 120 درہم سالانہ پریمیم ادا کرنا ہوگا، پالیسی کی مدت ایک یا دو سال کے لیے دستیاب ہے۔