فیلڈ مارشل عاصم منیر شاندار شخصیت کے مالک ہیں، امریکی صدر

فیلڈ مارشل عاصم منیر شاندار شخصیت کے مالک ہیں، امریکی صدر

امریکی صدر ڈونلڈ ٹرمپ کا کہنا ہے کہ فیلڈ مارشل عاصم منیر شاندار شخصیت کے مالک ہیں۔

دی ہیگ میں نیٹو سربراہان کے اجلاس سے خطاب کرتے ہوئے ڈونلڈ ٹرمپ نے کہا کہ میرے موجودہ دور میں بڑی کامیابی پاک بھارت جنگ رکوانا ہے، دونوں جوہری طاقتیں ایٹمی حملوں کی طرف جاسکتی تھیں۔

انہوں نے کہا کہ فیلڈ مارشل عاصم منیر سے کہا کہ آپ لوگوں کو تجارت کرنا پڑے گی، مودی سے کہا کہ جنگ جاری رکھی تو آپ سے تجارت نہیں کریں گے۔

ٹرمپ نے کہا کہ گزشتہ ہفتے پاکستان کے فیلڈ مارشل سے میری ملاقات ہوئی وہ انتہائی متاثر کن شخصیت کے مالک ہیں۔

علاوہ ازیں امریکی صدر نے کہا کہ حال ہی میں مشرق وسطیٰ کا دورہ کیا، سعودی بادشاہ سے ملاقات ہوئی تھی، قطر، یو اے ای، سعودی عرب کے رہنماؤں سے معیشت پر بات ہوئی ہے۔

ان کا کہنا تھا کہ مشرق وسطیٰ کے دورے کے بعد 5.1 ٹریلین ڈالر امریکا لایا، اس سے پہلے امریکا مردہ اور اس کا حکمران بھی مردہ ذہن تھا۔