دبئی سلیکون ویلی میں ڈرونز کے ذریعے اشیا کی فراہمی
متحدہ عرب امارات کی دبئی سلیکون ویلی میں میڈیسن اور غذائی اشیا کی سپلائی ڈرونز کے ذریعے کی جانے لگی ہے۔
الامارات الیوم کے مطابق دبئی کے ولی عہد شیخ حمدان بن محمد بن راشد آل مکتوم نے نومبر 2021 میں دبئی ڈرونز پروگرام کا آغاز کیا تھا، ڈرون سروس اسی کا حصہ ہے۔
ڈرون سروس کا تین ہفتے سےتجربہ کیا جارہا تھا۔ ڈرونز کے ذریعے اشیا کی فراہمی ’جیبلی’ اور انڈین کمپنی ’سکائی ایئر موبیلٹی‘ ایک دوسرے کی شراکت سے کررہی ہیں۔
سکائی ایئر موبیلٹی ڈرونز کے ذریعے ڈیلیوری سروس کے حوالے سے انڈیا کی سب سے بڑی کمپنیوں میں شامل ہے۔