پاکستان میں سونے کی فی تولہ قیمت میں پھر بڑا اضافہ

ملک بھر میں سونے کی قیمت میں پیر کے روز 2300 روپے فی تولہ اضافہ ہوا ہے۔

آل پاکستان جیمز اینڈ جیولرز ایسوسی ایشن کے مطابق 1 تولہ سونے کی قیمت میں 2300 روپے کے اضافے کے بعد سونے کی نئی قیمت 2 لاکھ 50 ہزار 400 روپے فی تولہ ہوگئی۔

جیمز اینڈ جیولرز ایسوسی ایشن کے مطابق 10 گرام سونے کی قیمت میں 1 ہزار 972 روپے کا اضافہ ہوا جس کے نتیجے میں 10 گرام سونے کی قیمت 2 لاکھ 14 ہزار 678 روپے ہوگئی ہے۔

سونے کی قیمت میں اضافے کی وجہ عالمی منڈی میں بڑھنے والی سونے کی قیمت ہے، عالمی منڈی میں سونے کی قیمت 25 ڈالر اضافے کے بعد 2 ہزار 439 ڈالر فی اونس ہوگئی۔