ایمریٹس کی سمر سیزن میں مسافروں کے لیے خصوصی پیشکش
امارات کی قومی فضائی کمپنی ایمریٹس نے اس سال سمر سیزن میں مسافروں کے لیے خصوصی پیشکشوں کا اعلان کیا ہے۔
الامارات الیوم کے مطابق ایمریٹس کے ریٹرن ٹکٹ کے ساتھ وزیٹرز دبئی کے کچھ بہترین اور پرکشش مقامات پر مفت رسائی حاصل کرسکیں گے۔
ایمریٹس کے ذریعے دبئی آنے اور جانے والے تمام مسافر اپنا بورڈنگ پاس کا استعمال کرتے ہوئے دبئی اور امارات کے پرکشش مقامات اور لگژری ’سپاس‘ کے علاوہ ریٹیل، تفریحی مراکز اور ریستورانوں میں خصوصی رعایت حاصل کرسکیں گے۔
یہ پیشکش 25 مئی سے 31 اگست 2024 کے درمیان سفر کے لیے کارآمد ہے جو 22 مئی سے11 جون 2024 تک جاری رہے گی۔
امارات کے باہر سے دبئی آنے والے دا ویو، پام جمیرہ، دبئی پارکس اینڈ ریزروٹس، وائلڈ واڈی واٹر پارک اور اسی طرح کے دیگر مقامات تک مفت رسائی سے لطف اندوز ہوسکتے ہیں۔
ایمریٹس سے سمر سیزن کے دوران سفر کرنے والے یکم مئی سے 30 ستمبر 2024 تک ’مائی ایمریٹس پاس‘ کے ذریعے مختلف رعایتوں اور انعامات سے لطف اندوز ہو سکتے ہیں۔
اپنے بورڈنگ پاس کے ذریعے بھی دبئی اور امارات میں سیکڑوں مقامات پر خصوصی پیشکشوں سے مستفید ہوسکتے ہیں۔