اماراتی صدر شیخ محمد بن زاید سرکاری دورے پر چین پہنچ گئے
متحدہ عرب امارات کے صدر شیخ محمد بن زاید آل نہیاں بدھ کی رات دو روزہ سرکاری دورے پر بیجنگ پہنچ گئے۔
امارات کے صدر چینی صدر شی جن پنگ کی دعوت پر یہ دورہ کررہے ہیں۔
امارات کی سرکاری خبر رساں ایجنسی وام کے مطابق ابوظبی کے نائب حکمراں، وزیر خارجہ اور دیگر عہدیدار بھی ہمراہ ہیں۔
دورے کے دوران امارتی صدر اپنے چینی ہم منصب کے ساتھ دونوں ممالک کے درمیان دوطرفہ تعلقات خصوصا اقتصادی، ترقیاتی اور ثقافتی شعبوں میں مزید تعاون کے مواقع پر تبادلہ خیال کریں گے۔
باہمی دلچسپی کے علاقائی اور بین الاقوامی امور، عالمی استحکام، فروغ امن کے لیے تعاون اور مکالمے کی اہمیت پر بھی تبادلہ خیال کیا جائے گا۔
امارات اور چین کے درمیان جامع سٹریٹجک پارٹنر شپ کے فریم ورک کے اندر بات چیت کا مقصد دونوں ممالک کی پائیدار ترقی اور اقتصادی ترقی میں حصہ ڈالنا ہے۔
صدر شیخ محمد بن زاید چین اور امارات کے درمیان سفارتی تعلقات کے قیام کی چالیسویں سالگرہ کی تقریب، چین، عرب ممالک تعاون فورم کی دسویں ویں وزارتی کانفرنس میں بھی شرکت کریں گے۔