اسلام آباد کا مشہور مال سرکاری تحویل میں، ملک ریاض کو بڑا جھٹکا، نیب کی بڑی کارروائی

حکومت نے ایک غیر معمولی اقدام کرتے ہوئے اسلام آباد کے معروف کمرشل منصوبے “مال آف اسلام آباد” کا مکمل کنٹرول سنبھال لیا ہے، جو پہلے معروف بزنس ٹائیکون ملک ریاض کی ملکیت تھا۔

تفصیلات کے مطابق کراچی کی احتساب عدالت نے قومی احتساب بیورو کی درخواست پر مال آف اسلام آباد کو ضبط کرنے کا حکم جاری کیا۔ یہ کمرشل پراپرٹی اسلام آباد کے بلیو ایریا، پلاٹ نمبر 65 این، ایف 7/1 میں واقع ہے۔

عدالت نے یہ حکم منی لانڈرنگ کی جاری تحقیقات کے دوران اینٹی منی لانڈرنگ ایکٹ 2010 کے تحت جاری کیا، جس کے بعد نیب کو اس کمرشل عمارت کا مکمل انتظامی کنٹرول دے دیا گیا ہے۔

یہ کارروائی بحریہ ٹاؤن کے چیئرمین ملک ریاض کے خلاف جاری تحقیقات کا حصہ ہے، جسے حکومتی اور قانونی حلقوں میں ایک اہم پیش رفت قرار دیا جا رہا ہے۔

حکومت نے مال آف اسلام آباد کا کنٹرول سنبھال لیا ہے۔ احتساب عدالت کے حکم پر نیب کو اربوں مالیت کی اس کمرشل عمارت کا مکمل اختیار دے دیا گیا ہے، جو ملک ریاض کے خلاف منی لانڈرنگ تحقیقات کا حصہ ہے۔