## 🚨 جیل میں عمران خان کی صحت پر سنگین سوالات! فیملی ڈاکٹر سے ملاقات تک روک دی گئی؟

پاکستان کے سابق وزیرِاعظم عمران خان کی بہن علیمہ خانم نے جیل میں ان کے ساتھ ہونے والے سلوک اور خراب ہوتی صحت پر شدید تحفظات کا اظہار کیا ہے۔ ان کا کہنا ہے کہ عمران خان کو 800 دن سے زائد عرصہ ہو چکا ہے جیل میں اور ان کی حالت دن بہ دن خراب ہو رہی ہے۔

علیمہ خانم نے سوشل میڈیا پلیٹ فارم ایکس (X) پر اپنے پیغام میں کہا کہ ان کا مطالبہ شروع سے واضح ہے کہ عمران خان کا معائنہ ماہر ڈاکٹروں سے کروایا جائے اور یہ معائنہ ان کے ذاتی ڈاکٹر عاصم یوسف اور کسی قریبی فیملی ممبر کی موجودگی میں اسلام آباد کے شفا انٹرنیشنل اسپتال میں ہونا چاہیے۔

انہوں نے بتایا کہ حکومت نے ان کے تجویز کردہ اسپیشلسٹ ڈاکٹر کو مسترد کر دیا، جس کے بعد متبادل نام دیے گئے۔ پہلے ازما خان کا نام دیا گیا لیکن کہا گیا کہ بہنوں کو اجازت نہیں ملے گی۔ پھر کزن نوشیروان برکی کا نام دیا گیا، مگر اسے بھی مسترد کر دیا گیا۔

علیمہ خانم نے سوال اٹھایا کہ آخر کیوں خاندان کے نمائندے کو اجازت نہیں دی جا رہی؟ کیا اس لیے کہ دونوں نامزد افراد اعلیٰ تعلیم یافتہ ڈاکٹر ہیں؟ انہوں نے اسے ناقابل قبول قرار دیا اور کہا کہ ان کے خدشات بڑھتے جا رہے ہیں۔

امارات لاٹری نے بدلی تین اور خوش نصیبوں کی زندگی ۔۔۔ لکی ڈے ڈرا میں کروڑوں کی بارش

ادھر ذرائع کے مطابق اڈیالہ جیل راولپنڈی میں اتوار کے روز ایک میڈیکل ٹیم نے عمران خان کا آنکھوں کا تفصیلی معائنہ کیا جو تقریباً ایک گھنٹہ جاری رہا۔ یہ معائنہ سپریم کورٹ کے حکم پر کیا گیا تھا، کیونکہ عمران خان نے 12 فروری کو دعویٰ کیا تھا کہ ان کی دائیں آنکھ کی بینائی صرف 15 فیصد رہ گئی ہے۔

عدالت نے میڈیکل بورڈ بنانے کا حکم دیا تھا اور بچوں سے 16 فروری سے پہلے بات کرنے کی اجازت بھی دی تھی۔ ہفتے کے روز حکومتی حلقوں کی جانب سے اشارہ دیا گیا تھا کہ عمران خان کو اسپتال منتقل کیا جائے گا، مگر اتوار کی دوپہر تک ایسا نہیں ہوا۔

دوپہر 3 بج کر 45 منٹ پر نورین خانم نے ایکس پر لکھا کہ ایک ایمبولینس جیل پہنچی ہے تاکہ انہیں اسپتال منتقل کیا جا سکے، لیکن انہوں نے کہا کہ ذاتی ڈاکٹروں اور خاندان کو اعتماد میں لیے بغیر یہ اقدام قابل قبول نہیں۔

تاہم جیل سپرنٹنڈنٹ نے اسپتال منتقلی کی خبروں کو افواہ قرار دیتے ہوئے کہا کہ صرف معائنہ کیا جا رہا ہے۔ انہوں نے بتایا کہ ڈاکٹروں کی ٹیم آنکھوں کا معائنہ، مختلف ٹیسٹ، خون کے نمونے اور بلڈ پریشر چیک کر رہی ہے، جس کے بعد فیصلہ کیا جائے گا کہ اسپتال منتقل کرنا ضروری ہے یا جیل میں ہی علاج جاری رکھا جائے گا۔

بڑی خوشخبری! راس الخیمہ میں آج ہی نادرا سروس، پاکستانیوں کے شناختی کارڈ فوری جاری اور تجدید کا سنہری موقع

ذرائع کے مطابق پانچ ڈاکٹروں پر مشتمل ٹیم نے تفصیلی چیک اپ کیا، خون کے نمونے لیے اور بلڈ پریشر بھی چیک کیا۔

عمران خان کی بہن علیمہ خانم نے الزام لگایا ہے کہ جیل میں ان کی صحت خراب ہو رہی ہے اور فیملی ڈاکٹر کو ملاقات کی اجازت نہیں دی جا رہی۔ سپریم کورٹ کے حکم پر آنکھوں کا معائنہ کیا گیا کیونکہ عمران خان کا کہنا ہے کہ ان کی ایک آنکھ کی بینائی صرف 15 فیصد رہ گئی ہے۔ حکومت کی جانب سے اسپتال منتقلی کی خبروں کی تردید کی گئی ہے جبکہ خاندان کو اعتماد میں نہ لینے پر تشویش بڑھتی جا رہی ہے۔