مجھے اچانک دبئی کا ویزا مل گا ایران جنگ کے باعث متحدہ عرب امارات میں مواقع سے فائدہ اٹھاتے پاکستانیوں کی کہانیاں

پاکستان کے رہائشی انیق بٹ کو تقریباً ایک سال سے دبئی کا ویزا نہیں مل رہا تھا اور وہ بیرون ملک جا کر کام کرنا چاہتے تھے۔

لیکن فروری کے آخر میں ایران جنگ شروع ہونے کے بعد حالات بدل گئے اور اچانک ان کا ویزا جاری ہو گیا، جس کے بعد وہ فوراً دبئی پہنچ گئے۔

انیق کا کہنا ہے کہ جنگ سے بہت سے لوگوں کو نقصان ہوا، لیکن ان کے لیے یہ ایک موقع بن گیا اور وہ اپنے بھائی کے ساتھ کام کرنے لگے۔

ان کے بھائی ارحم 2002 سے دبئی میں رہ رہے ہیں اور گاڑیوں کے کاروبار سے منسلک ہیں۔ انہوں نے پہلے مکینک کے طور پر کام کیا اور پھر اپنی ورکشاپ قائم کی۔

وہ حادثے کا شکار گاڑیاں خرید کر انہیں ٹھیک کرتے ہیں اور دوبارہ فروخت کر کے اچھا منافع کماتے ہیں۔

ارحم کے مطابق دبئی ان کے لیے ایک ایسی جگہ ہے جہاں انہوں نے صفر سے ترقی کی اور آج کامیاب کاروبار چلا رہے ہیں۔

ایران جنگ کے بعد بدلتے حالات میں کچھ پاکستانیوں کے لیے دبئی جانا آسان ہو گیا۔ انیق بٹ جیسے افراد کو اچانک ویزا ملا اور وہ امارات پہنچ کر روزگار حاصل کرنے لگے، جہاں انہوں نے نئی زندگی کی شروعات کی۔