دبئی میں مفت ڈرائیور لیس ٹیکسی، بغیر ڈرائیور کے سفر اب حقیقت

دبئی میں اب شہری بغیر ڈرائیور کے ٹیکسی میں مفت سفر کر سکتے ہیں، جو جدید ٹیکنالوجی کا ایک نیا اور دلچسپ تجربہ ہے۔

یہ سروس فی الحال جمیرہ اور ام سقیم کے کچھ علاقوں میں دستیاب ہے اور جلد مزید علاقوں میں بھی شروع کی جائے گی۔

مفت سفر کے لیے صارفین کو Apollo Go ایپ ڈاؤن لوڈ کر کے اس میں اپنا اکاؤنٹ بنانا ہوگا۔

لاگ اِن ہونے کے بعد صارفین اپنے پک اپ اور ڈراپ آف مقام منتخب کر سکتے ہیں، جیسے جمیرہ مسجد سے ام سقیم تک کا سفر۔

رائیڈ کنفرم کرنے کے بعد گاڑی خود بخود مقررہ جگہ پر پہنچ جاتی ہے۔

مسافر ایپ میں دیے گئے ون ٹائم پاس ورڈ کے ذریعے گاڑی کو ان لاک کر کے سفر شروع کرتے ہیں۔

دلچسپ بات یہ ہے کہ یہی سروس Uber ایپ پر موجود ہے لیکن وہاں اس کے لیے کرایہ ادا کرنا پڑتا ہے۔

مثال کے طور پر جمیرہ مسجد سے ام سقیم تک کا کرایہ تقریباً 81 درہم دکھایا گیا، جبکہ دیگر آپشنز بھی مختلف قیمتوں پر دستیاب ہیں۔

دبئی میں اب بغیر ڈرائیور کے ٹیکسی سروس متعارف کرا دی گئی ہے جہاں شہری Apollo Go ایپ کے ذریعے مفت سفر کر سکتے ہیں۔ فی الحال یہ سروس محدود علاقوں میں ہے لیکن جلد مزید علاقوں تک پھیلائی جائے گی۔