پاکستان کی کامیاب ثالثی پر بھارت میں صف ماتم تجزیہ کاروں نے مودی کو لتاڑ ڈالا

پاکستان کی کامیاب ثالثی کے بعد بھارت میں شدید ردعمل دیکھنے میں آ رہا ہے، جہاں کئی تجزیہ کاروں نے اپنی ہی حکومت پر تنقید شروع کر دی ہے اور وزیراعظم نریندر مودی کی پالیسیوں کو سوالیہ نشان بنا دیا ہے۔

بھارتی ماہرین کا کہنا ہے کہ وزیراعظم شہباز شریف اور فیلڈ مارشل عاصم منیر کی عالمی سطح پر بڑھتی ہوئی اہمیت نے بھارت کو پیچھے چھوڑ دیا ہے، جس پر بھارت میں تشویش پائی جا رہی ہے۔

ایک تجزیہ کار نے یاد دلایا کہ 10 سال پہلے اڑی واقعے کے بعد نریندر مودی نے دعویٰ کیا تھا کہ پاکستان کو عالمی سطح پر تنہا کر دیا جائے گا، مگر آج صورتحال اس کے برعکس نظر آ رہی ہے۔

انہوں نے مزید کہا کہ موجودہ حالات میں سفارتکاری کے میدان میں پاکستان نمایاں ہے جبکہ بھارت کا کردار کمزور دکھائی دے رہا ہے۔

پاکستان کی کامیاب سفارتکاری کے بعد بھارت میں شدید ردعمل سامنے آیا ہے، جہاں تجزیہ کار مودی حکومت پر تنقید کر رہے ہیں اور عالمی سطح پر پاکستان کی بڑھتی اہمیت کو تسلیم کیا جا رہا ہے۔