برطانوی پارلیمنٹ میں ہنگامہ خیز بیان! رکن پارلیمنٹ نے ٹرمپ کو “کرپٹ گینگسٹر” قرار دے دیا

برطانیہ کے رکن پارلیمنٹ اور لبرل ڈیموکریٹس پارٹی کے سربراہ سر ایڈورڈ ڈیوی نے امریکی صدر ڈونلڈ ٹرمپ پر سخت تنقید کرتے ہوئے بادشاہ چارلس سوئم کے امریکا کے مجوزہ دورے کو منسوخ کرنے کا مطالبہ کیا ہے۔

برطانوی پارلیمنٹ سے خطاب کرتے ہوئے سر ایڈورڈ ڈیوی نے کہا کہ انہوں نے کبھی یہ تصور نہیں کیا تھا کہ کسی امریکی صدر کو ایسی بات کرتے سنیں گے جس میں ایک پوری تہذیب کو تباہ کرنے کا ذکر ہو۔

انہوں نے ٹرمپ کو بداخلاق، ناعاقبت اندیش اور عالمی قوانین سے باہر رہنے والا رہنما قرار دیا اور کہا کہ وہ نہ تو برطانیہ کے دوست ہیں اور نہ ہی آزاد دنیا کے لیڈر۔

سر ایڈ ڈیوی نے مزید کہا کہ ان کے مطابق ٹرمپ ایک خطرناک اور کرپٹ گینگسٹر ہیں اور ان کے ساتھ اسی نوعیت کا رویہ اختیار کیا جانا چاہیے۔

برطانیہ کے رکن پارلیمنٹ سر ایڈورڈ ڈیوی نے امریکی صدر ڈونلڈ ٹرمپ پر شدید تنقید کرتے ہوئے انہیں کرپٹ گینگسٹر قرار دیا اور بادشاہ چارلس کے امریکا کے مجوزہ دورے کو منسوخ کرنے کا مطالبہ کیا ہے۔ ان کے بیان نے برطانوی سیاست میں نئی بحث چھیڑ دی ہے۔

اگلی نیوز بھی پڑھیں

امریکا اور ایران کے درمیان جاری سفارتی کوششوں کے تحت مذاکرات کا ایک اور دور جلد اسلام آباد میں ہونے کا امکان ظاہر کیا جا رہا ہے۔ برطانوی خبر ایجنسی کے مطابق دونوں ممالک کے وفود رواں ہفتے دوبارہ پاکستان آ سکتے ہیں۔

ذرائع کے مطابق پاکستان پہلے ہی امریکا اور ایران کے درمیان مذاکرات کے دوسرے مرحلے کی میزبانی کی پیشکش کر چکا ہے، جبکہ امکان ظاہر کیا جا رہا ہے کہ اہم ملاقاتیں جمعرات کو اسلام آباد میں ہو سکتی ہیں۔

پاکستان میں ایرانی سفارتخانے کے ایک اہلکار نے بھی اشارہ دیا ہے کہ مذاکرات کا اگلا دور اس ہفتے یا اگلے ہفتے کے آغاز میں ہو سکتا ہے۔

امریکی نائب صدر جے ڈی وینس نے بھی ایران کے ساتھ مذاکرات میں ثالثی کردار ادا کرنے پر وزیر اعظم شہباز شریف اور فیلڈ مارشل عاصم منیر کا شکریہ ادا کیا اور پاکستان کی سفارتی کوششوں کو سراہا۔

اطلاعات کے مطابق امریکا اور ایران کے درمیان امن مذاکرات کا اگلا دور جلد اسلام آباد میں ہو سکتا ہے۔ پاکستان نے دونوں ممالک کے درمیان ثالثی میں اہم کردار ادا کیا ہے اور امریکی نائب صدر نے اس سفارتی کوشش کو سراہا ہے۔

اگلی نیوز بھی پڑھیں