اسلام آباد ہائی الرٹ! امریکہ ایران مذاکرات سے پہلے سیکیورٹی لاک ڈاؤن، شہر میں غیر معمولی اقدامات

پاکستان نے ممکنہ US–Iran talks کے دوسرے دور سے قبل اسلام آباد اور راولپنڈی میں سیکیورٹی انتہائی سخت کر دی ہے۔ حکام کے مطابق شہر کو ریڈ الرٹ پر رکھا گیا ہے اور اہم مقامات پر فوج بھی تعینات کر دی گئی ہے۔

سیکیورٹی ذرائع کے مطابق جمعرات رات 11 بجے کے بعد تمام بس اڈے بند کر دیے گئے ہیں جبکہ پبلک ٹرانسپورٹ کو جڑواں شہروں میں داخلے سے روک دیا گیا ہے تاکہ سیکیورٹی کو یقینی بنایا جا سکے۔

حکام کا کہنا ہے کہ کئی اہم عالمی رہنماؤں کی آمد متوقع ہے، جس کے پیش نظر کسی بھی خطرے سے نمٹنے کے لیے سخت اقدامات کیے گئے ہیں، جن میں کنٹینرز کے ذریعے راستے بند کرنا اور محدود رسائی شامل ہے۔

دوسری جانب پاکستان کی وزارت خارجہ کے ترجمان نے واضح کیا ہے کہ ابھی تک امریکہ اور ایران کے درمیان مذاکرات کے دوسرے دور کی کوئی حتمی تاریخ طے نہیں کی گئی۔

اسلام آباد میں امریکہ اور ایران کے ممکنہ مذاکرات سے پہلے سیکیورٹی انتہائی سخت کر دی گئی ہے۔ شہر میں ریڈ الرٹ نافذ، بس اڈے بند اور فوج تعینات کر دی گئی ہے، جبکہ حکام کا کہنا ہے کہ مذاکرات کی تاریخ ابھی طے نہیں ہوئی۔