گورنر خیبرپختونخوا کا آج پشتون جرگے میں جانے کا اعلان
گورنر خیبرپختونخوا فیصل کریم کنڈی نے بھی آج پشتون جرگے میں جانے کا اعلان کردیا۔
اے آر وائی نیوز کے مطابق گورنر خیبرپختونخوا فیصل کریم کنڈی کا کہنا ہے ک کل رات وزیر اعلیٰ اور کمیٹی ان سے ملنے گئی تھی، آج پشتون جرگے میں شرکت کروں گا۔
انہوں نے کہا کہ چاہتے ہیں احتجاج کرنے والے آئین کے تحت پارلیمان کا حصہ بنیں۔
گورنر کے پی نے کہا کہ پی ٹی ایم پر پابندی برقرار ہے، کمیٹی کی سفارشات پر عمل ہوگا، لروبر کہنے والے کسی کا گھر کابل میں نہیں، سب پشاور اور اسلام آباد میں ہی رہتے ہیں۔
فیصل کریم کنڈی نے کہا کہ یہ ہمارا اندرونی مسئلہ ہے تو ہم اسے خود ہی حل کریں گے۔
علاوہ ازیں وزیر اعلیٰ کے پی علی امین گنڈا پور نے ضلع خیبر میں امن جرگہ کے مقام پر دورہ کیا انہیں جرگے کی سیکیورٹی اور دیگر انتظامات پر بریفنگ دی گئی۔