یو اے ای میں منشیات کا بڑا نیٹ ورک بے نقاب! 13 رکنی گینگ گرفتار، لاکھوں درہم مالیت کی منشیات برآمد

یو اے ای کی اینٹی نارکوٹکس اتھارٹی نے 13 رکنی منشیات فروش گینگ کو گرفتار کر لیا ہے، جو ایک بیرونِ ملک سرغنہ کے ذریعے چلایا جا رہا تھا۔

یہ کارروائی دبئی، شارجہ اور بحرین پولیس کے مشترکہ آپریشن کے تحت ایک ماہ تک جاری رہی، جس کے بعد ملزمان کو گرفتار کیا گیا۔

حکام کے مطابق 56,623 کلو گرام منشیات، 8,159 نشہ آور گولیاں اور حشیش آئل سے بھری ای سگریٹس برآمد کی گئیں، جن کی مالیت تقریباً 3.3 ملین درہم ہے۔

مزید کارروائی میں گینگ کے سرغنہ کو بیرونِ ملک سے گرفتار کر کے یو اے ای منتقل کیا گیا تاکہ اس کے خلاف قانونی کارروائی کی جا سکے۔

حکام کا کہنا ہے کہ یہ آپریشن منشیات کے خلاف قومی حکمت عملی کا حصہ ہے، جس کا مقصد نہ صرف ملک کے اندر بلکہ بیرونِ ملک موجود نیٹ ورکس کو بھی ختم کرنا ہے۔

یو اے ای میں ایک بڑے منشیات گینگ کے خلاف کارروائی میں 13 افراد کو گرفتار کر لیا گیا۔ ایک ماہ کے آپریشن کے دوران لاکھوں درہم مالیت کی منشیات برآمد کی گئیں، جبکہ سرغنہ کو بیرونِ ملک سے گرفتار کر کے یو اے ای منتقل کیا گیا۔

اگلی نیوز بھی پڑھیں

دبئی میں پراپرٹی سرمایہ کاروں کے لیے دو سالہ رہائشی ویزا کے قواعد میں اہم تبدیلیاں کر دی گئی ہیں، جس کے تحت اب کم از کم پراپرٹی ویلیو کی شرط ختم کر دی گئی ہے۔

نئے قوانین کے مطابق اگر کوئی شخص اکیلا مالک ہے تو اس کے لیے کم از کم قیمت کی کوئی شرط نہیں، جبکہ مشترکہ ملکیت کی صورت میں ہر فرد کا حصہ کم از کم 400,000 درہم ہونا ضروری ہے۔

ویزا کے لیے ضروری دستاویزات میں ٹائٹل ڈیڈ، پاسپورٹ، امارات آئی ڈی، تصویر، ہیلتھ انشورنس اور گڈ کنڈکٹ سرٹیفکیٹ شامل ہیں۔

اگر پراپرٹی قرض یا قسطوں پر ہو تو بینک یا ڈیولپر کا NOC دینا ہوگا، جبکہ مکمل پراپرٹی کی صورت میں کم از کم 50 فیصد یا 375,000 درہم کی ادائیگی کا ثبوت ضروری ہے۔

یہ نئی پالیسی سرمایہ کاروں کے لیے سہولت پیدا کرنے اور دبئی میں رئیل اسٹیٹ سرمایہ کاری کو فروغ دینے کے لیے متعارف کرائی گئی ہے۔

دبئی نے پراپرٹی سرمایہ کاروں کے لیے دو سالہ ویزا کے قواعد آسان کر دیے ہیں۔ اب اکیلے مالک کے لیے کم از کم قیمت کی شرط ختم ہے، جبکہ مشترکہ ملکیت میں ہر فرد کا حصہ 400,000 درہم ہونا ضروری ہے۔

اگلی نیوز بھی پڑھیں