ایمریٹس گروپ کا تاریخی اعلان، ملازمین کو 20 ہفتوں کی تنخواہ بطور بونس دینے کا فیصلہ

ابتدائی طور پر ملازمین کو کارکردگی کی بنیاد پر 13 ہفتوں کے بونس کی توقع تھی، لیکن کمپنی نے توقعات سے بڑھ کر 20 ہفتوں کی تنخواہ دینے کا فیصلہ کیا۔ ایمریٹس گروپ کے چیئرمین اور چیف ایگزیکٹو شیخ احمد بن سعید آل مکتوم نے ملازمین کے نام جذباتی پیغام میں ان کی محنت، بہادری اور مشکل وقت میں ثابت قدمی کو خراجِ تحسین پیش کیا۔

شیخ احمد بن سعید نے کہا کہ مارچ 2026 کے مشکل حالات کو کبھی فراموش نہیں کیا جائے گا کیونکہ ملازمین نے ہر چیلنج کا مقابلہ جذبے اور عزم کے ساتھ کیا۔ تمام مشکلات کے باوجود ایمریٹس ایئرلائن دنیا کی سب سے زیادہ منافع بخش ایئرلائن کے طور پر اپنی پوزیشن برقرار رکھنے میں کامیاب رہی۔

ایمریٹس گروپ نے ریکارڈ منافع کے بعد اپنے ملازمین کو 20 ہفتوں کی تنخواہ بطور بونس دینے کا اعلان کیا ہے۔ کمپنی کے سربراہ شیخ احمد بن سعید نے ملازمین کی محنت، بہادری اور مشکل وقت میں ثابت قدمی کو سراہتے ہوئے انہیں تاریخی خراجِ تحسین پیش کیا۔

اگلی نیوز بھی پڑھیں

یہ ریزورٹ شارجہ اسلامک بینک کے ذیلی ادارے Asas Real Estate نے تعمیر کیا ہے۔ منصوبے میں ایک سے چار بیڈ رومز پر مشتمل 573 رہائشی یونٹس اور 16 کمرشل آؤٹ لیٹس شامل ہیں، جبکہ یہ خورفکان بیچ، واکنگ پرومینیڈ اور مشہور آبشار کے قریب واقع ہے۔

ریزورٹ کی خاص بات اس کے چار دلکش پینورامک مناظر ہیں جن میں سمندر، ساحل، شہر اور پہاڑ شامل ہیں۔ اس موقع پر شیخ ڈاکٹر سلطان نے ابو کیزن میرین ولیج منصوبے کا سنگِ بنیاد بھی رکھا، جس کا مقصد خورفکان کو مزید جدید سیاحتی اور تفریحی مرکز بنانا ہے۔

شارجہ کے حکمران نے خورفکان میں 70 کروڑ درہم کے جدید ریزورٹ کا افتتاح کر دیا ہے۔ سمندر، پہاڑوں اور شہر کے خوبصورت مناظر والا یہ منصوبہ خورفکان کو یو اے ای کے بڑے سیاحتی مراکز میں شامل کرنے کی نئی کوشش قرار دیا جا رہا ہے۔