بحرین میں بڑا سیکیورٹی آپریشن، ایران سے مبینہ روابط پر 41 افراد گرفتار

بحرین کی سرکاری خبر رساں ایجنسی کے مطابق حکام نے تحقیقات اور سیکیورٹی رپورٹس کی بنیاد پر ایک ایسے گروہ کا سراغ لگایا جو مبینہ طور پر IRGC اور ولایتِ فقیہ کے نظریے سے وابستہ تھا۔ یہ تحقیقات غیر ملکی اداروں کے لیے جاسوسی اور ایرانی حملوں کی حمایت سے متعلق مقدمات کے سلسلے میں بھی جاری تھیں۔

وزارتِ داخلہ نے کہا ہے کہ مزید سرچ اور تفتیشی کارروائیاں جاری ہیں جبکہ قانون نافذ کرنے والے ادارے ہر اس شخص کے خلاف قانونی کارروائی کریں گے جو اس گروہ یا غیر قانونی سرگرمیوں میں ملوث پایا گیا۔

بحرین نے ایران کے پاسدارانِ انقلاب سے مبینہ روابط رکھنے والے 41 افراد کو گرفتار کر لیا ہے۔ حکام کے مطابق یہ کارروائی جاسوسی، غیر ملکی روابط اور ایرانی حملوں کی حمایت سے متعلق تحقیقات کے دوران کی گئی۔

اگلی نیوز بھی پڑھیں

Kithe Brewster ماضی میں ہالی ووڈ شخصیات، عالمی برانڈز اور بین الاقوامی فیشن میگزینز کے ساتھ کام کرنے کے باعث شہرت رکھتے تھے، لیکن ان کے قریبی دوستوں کا کہنا ہے کہ گزشتہ چند ماہ میں ان کی زندگی مکمل طور پر بدل گئی تھی اور وہ زیادہ تر وقت عبادت اور اللہ کی یاد میں گزارتے تھے۔

ان کے دوست عیسیٰ واشنگٹن کے مطابق Brewster کو علی الصبح اسپتال منتقل کیا جا رہا تھا جب ان کا انتقال ہو گیا۔ دوستوں نے بتایا کہ انہوں نے 2023 کے رمضان کے آخری عشرے میں اسلام قبول کیا تھا جبکہ 2025 میں مسجد میں باضابطہ شہادت مکمل کی تاکہ دبئی میں اسلامی تدفین ممکن ہو سکے۔

ہالی ووڈ کے مشہور اسٹائلسٹ Kithe Brewster دبئی میں انتقال کر گئے۔ دوستوں کے مطابق اسلام قبول کرنے کے بعد ان کی زندگی میں بڑی روحانی تبدیلی آئی اور وہ زیادہ تر وقت عبادت میں گزارتے تھے۔ ان کی اسلامی طریقے سے تدفین دبئی میں کی جا رہی ہے۔