ابوظہبی میں کرایہ فریز، کرایہ داروں کیلئے بڑی خوشخبری، مالک مکان اب کرایہ نہیں بڑھا سکے گا

ابوظہبی حکومت کی جانب سے کرایوں میں اضافے پر عارضی پابندی کے فیصلے نے ہزاروں کرایہ داروں کو بڑا ریلیف دے دیا ہے۔ ابوظہبی ریئل اسٹیٹ سینٹر (ADREC) کے مطابق 2 جون 2026 سے رہائشی، تجارتی اور صنعتی جائیدادوں پر سالانہ کرایہ بڑھانے کی حد 5 فیصد سے کم کر کے 0 فیصد کر دی گئی ہے۔

اس فیصلے کے بعد اب مالک مکان کرایہ میں کسی قسم کا اضافہ نہیں کر سکے گا اور موجودہ کرایہ ہی برقرار رہے گا۔

حکام نے واضح کیا ہے کہ یہ فیصلہ صرف ان معاہدوں پر لاگو ہوگا جو 2 جون 2026 کے بعد تجدید ہوں گے۔ جن کرایہ داروں نے اس تاریخ سے پہلے اپنے معاہدے کی تجدید کر لی تھی، ان پر یہ نیا قانون لاگو نہیں ہوگا اور ان کے معاہدے پہلے سے طے شدہ شرائط کے مطابق برقرار رہیں گے۔

ابوظہبی ریئل اسٹیٹ سینٹر کے مطابق اگر کسی کرایہ دار کا معاہدہ جلد ختم ہونے والا ہے تو مالک مکان تجدید کے وقت کرایہ میں اضافہ نہیں کر سکے گا۔ نئے معاہدے کی قیمت وہی ہوگی جو گزشتہ رجسٹرڈ Tawtheeq معاہدے میں درج ہے۔

اسی طرح اگر کوئی نیا کرایہ دار ایسی پراپرٹی میں منتقل ہو رہا ہے جو پہلے سے کرائے پر دی جا چکی تھی، تو مالک مکان اس یونٹ کا کرایہ گزشتہ رجسٹرڈ Tawtheeq معاہدے میں درج رقم سے زیادہ طلب نہیں کر سکتا۔

حکام نے بتایا ہے کہ اس فیصلے کیلئے فی الحال کوئی اختتامی تاریخ مقرر نہیں کی گئی اور یہ حکم اگلے نوٹس تک نافذ العمل رہے گا۔ اگر مستقبل میں کوئی تبدیلی کی گئی تو اس کا اعلان سرکاری ذرائع کے ذریعے کیا جائے گا۔

اگر کسی کرایہ دار سے قانون کے خلاف اضافی کرایہ طلب کیا جاتا ہے تو وہ براہ راست ابوظہبی ریئل اسٹیٹ سینٹر سے رابطہ کر کے شکایت درج کرا سکتا ہے۔

ابوظہبی میں کرایوں میں اضافے پر عارضی پابندی لگا دی گئی ہے، جس کے بعد مالک مکان معاہدے کی تجدید کے وقت کرایہ نہیں بڑھا سکے گا۔ نیا قانون 2 جون 2026 کے بعد ہونے والی تجدیدات پر لاگو ہوگا۔

اگلی نیوز بھی پڑھیں :

ٹریفک سے بچنے کیلئے شولڈر استعمال کرنے والوں کیلئے بڑی وارننگ، صرف 5 ماہ میں 4,504 ڈرائیور پکڑے گئے

دبئی پولیس نے خبردار کیا ہے کہ ہارڈ شولڈر پر گاڑی چلانا سنگین خلاف ورزی ہے۔ حکام کے مطابق رواں سال اب تک 4,504 ایسے کیسز ریکارڈ کیے جا چکے ہیں۔

خلاف ورزی کرنے والوں پر ایک ہزار درہم جرمانہ اور 6 بلیک پوائنٹس عائد کیے جاتے ہیں۔

پولیس نے شہریوں سے اپیل کی ہے کہ ایمرجنسی لین صرف ہنگامی گاڑیوں کیلئے مختص ہے اور اسے ہر صورت خالی رکھا جائے۔

اگلی نیوز بھی پڑھیں :

قطر ایئرویز نے دبئی کیلئے بڑی خوشخبری سنا دی، اب روزانہ 5 پروازیں چلیں گی

قطر ایئرویز نے دوحہ اور دبئی کے درمیان پروازوں کی تعداد مرحلہ وار بڑھا کر روزانہ 5 کرنے کا اعلان کیا ہے۔

ایئرلائن کے مطابق یہ اقدام کاروباری اور سیاحتی سفر کو مزید آسان بنانے کیلئے کیا جا رہا ہے۔

اس توسیع کے بعد قطر ایئرویز ہفتہ وار 35 پروازوں کے ذریعے دونوں ممالک کے درمیان رابطوں کو مزید مضبوط بنائے گی۔