سارہ کو حجاب پہنانے کی اصل وجہ کیا تھی؟ پراسیکیوٹر کے دلائل میں اہم انکشاف
برطانیہ میں سارہ شریف قتل کیس کی سماعت کے دوسرے روز پراسیکیوٹر بل ایملن جونز نے عدالت میں اپنے دلائل دیتے ہوئے کہا کہ زخم چھپانے کیلئے سارہ کو حجاب پہنایا گیا۔
بین الاقوامی خبر رساں ادارے کی رپورٹ کے مطابق پراسیکیوٹر بل ایملن جونز نے بتایا کہ سارہ کے اسکول والوں نے جون 2022 اور مارچ 2023 میں چہرے پر زخم دیکھے،سارہ نے موت سے 7 ماہ قبل جنوری 2023 سے حجاب پہننا شروع کیا۔
پراسیکیوٹر کا کہنا تھا کہ سارہ کے زخموں کے متعلق اساتذہ نے جب پوچھا تو بچی نے مختلف کہانیاں سنائیں۔
عدالت میں پراسیکیوٹرکا کہنا تھا کہ سارہ شریف کو اپریل 2023 میں اسکول سے اٹھا لیا گیا تھا۔ پڑوسیوں نے کہا کہ گھر سے اکثر بچوں کو مارنے اور انکے رونے کی آوازیں سنائی دیتی تھیں۔
بل ایملن جونز کے مطابق سوتیلی ماں نے اپنی بہنوں کو سارہ پر والد کی جانب سے تشدد کئے جانے کا بتایا تھا، سارہ کے قتل پر اس کے والد، سوتیلی والدہ اور چچا پر الزام عائد کیا گیا ہے۔
سارہ شریف قتل کیس کی سماعت کا باقاعدہ آغاز، والد نے پولیس کو فون کال میں قتل کا اعتراف کیا