190 ملین پاؤنڈ کیس : بانی پی ٹی آئی اور بشریٰ بی بی نے سزا کیخلاف اپیل دائر کردی
190 ملین پاؤنڈ کیس : بانی پی ٹی آئی اور بشریٰ بی بی نے سزا کیخلاف اپیل دائر کردی
اسلام آباد : 190 ملین پاؤنڈ کیس میں بانی پی ٹی آئی اور بشریٰ بی بی نے سزا کیخلاف اپیل دائر کردی، جس میں 17جنوری کا فیصلہ کالعدم قرار دینے کی استدعا کی گئی ہے۔
تفصیلات کے مطابق 190ملین پاؤنڈ ریفرنس میں سزا کیخلاف اپیلیں اسلام آبادہائیکورٹ میں دائر کردی گئیں۔
بانی پی ٹی آئی ،بشریٰ بی بی کی جانب سے ہائیکورٹ میں اپیلیں دائرکی گئیں،اسلام آباد ہائیکورٹ میں خالد یوسف چوہدری ایڈووکیٹ نے اپیلیں دائرکیں۔
اپیل میں موقف اختیار کیا گیا کہ نیب نے بدنیتی سے اپنے اختیارات کا غلط استعمال کیا، نامکمل تفتیش کی بنیاد پر جلد بازی میں سزا سنائی گئی۔
اپیل میں کہنا تھا کہ این سی اےمعاہدے کا متن حاصل نہ کرناتفتیشی ایجنسی کی ہچکچاہٹ واضح کرتاہے، این سی اے حکام کو شامل تفتیش بھی نہیں کیا گیا ، استغاثہ مکمل شواہد پیش کرنے میں ناکام رہی ہے۔