سپریم کورٹ کے چیف جسٹس کا تقرر کون کرے گا؟
سپریم کورٹ کے چیف جسٹس کا تقرر پارلیمانی کمیٹی کرے گی۔
اے آر وائی نیوز کے مطابق ذرائع کا کہنا ہے کہ پارلیمانی کمیٹی 8 ارکان پر مشتمل ہوگی جو سپریم کورٹ کے چیف جسٹس کا تقرر کرے گی۔
ذرائع کا کہنا ہے کہ جے یو آئی، ن لیگ اور اس کی اتحادی جماعتوں کا آئینی ترامیم پر اتفاق ہوگیا ہے، مولانا فضل الرحمان تجاویز پر پی ٹی آئی کو اعتماد میں لیں گے۔
سپریم کورٹ کے چیف جسٹس کا تقرر تین سینئر ترین ججز میں سے ہوگا۔
سپریم کورٹ کے 5 یا 9 رکنی آئینی بنچ کے قیام کی تجویز دی گئی ہے جبکہ صوبوں میں آئینی بینچ تشکیل نہ دینے کی تجویز ہے۔
سپریم کورٹ کے آئینی بینچ کی تشکیل جوڈیشل کمیشن کرے گا اس کا سربراہ بھی جوڈیشل کمیشن مقرر کرے گا، سپریم کورٹ کے آئینی بینچ کے تقرر کی میعاد مقرر ہوگی، سوموٹو نوٹس کا سپریم کورٹ کا اختیار ختم کرنے کی ترمیم ہے۔