کراچی: صدر ریگل چوک پر احتجاج، پولیس موبائل نے خاتون اہلکار کو روند ڈالا
کراچی کے علاقے صدر ریگل چوک پر احتجاج کے دوران پولیس پر پتھراؤ کیا گیا تو موبائل دوڑاتے ہوئے خاتون اہلکار کو کچل دیا گیا۔
اے آر وائی نیوز کے مطابق کراچی کے علاقے صدر ریگل چوک پر احتجاجی کے دوران مظاہرین نے پولیس پر پتھراؤ کیا اس دوران پولیس موبال نے خاتون اہلکار کو روند ڈالا، خاتون اہلکار شاہین سول اسپتال میں زیر علاج ہے۔
ریسکیو حکام کا کہنا ہے کہ 5 پولیس اہلکاروں کو زخمی حالت میں سول اسپتال منتقل کیا گیا ہے، مشتعل افراد کے پتھراؤ سے 4 پولیس اہلکاروں سمیت 2 لیڈی پولیس اہلکار زخمی ہوئیں۔
زخمی اہلکاروں میں طحہ، منیر علی، اسماعیل اور منٹھار علی شامل ہیں، زخمی خاتون پولیس اہلکار کی شناخت شاہین کے نام سے ہوئی ہے، پولیس اہلکار کلری، نیپیئر اور عید گاہ تھانوں میں تعینات ہیں۔
ریسکیو حکام کے مطابق زخمی اہلکاروں کو طبی امداد کی فراہمی کے لیے سول اسپتال منتقل کیا گیا ہے۔
پولیس کا کہنا ہے کہ ریگل چوک پر کشیدہ صورتحال کو کنٹرول کرلیا گیا ہے، مظاہرین منتشر ہوگئے، ریگل چوک کے اطراف بھاری پولیس نفری موجود ہے۔