ٹرمپ نے ایران جنگ ختم ہونے کا دعویٰ کر دیا، تہران نے معاہدے کی خبروں پر بڑا بیان جاری کر دیا

امریکی صدر ڈونلڈ ٹرمپ کے اس دعوے کے باوجود کہ ایران کے ساتھ جنگ کے خاتمے کیلئے معاہدہ چند دنوں میں طے پا سکتا ہے، تہران نے واضح کیا ہے کہ ابھی تک کسی حتمی معاہدے پر اتفاق نہیں ہوا۔

واشنگٹن میں گفتگو کرتے ہوئے ٹرمپ نے کہا کہ ایران کے ساتھ ہونے والے مذاکرات اعلیٰ ترین سطح تک پہنچ چکے ہیں اور تمام اہم نکات پر پیش رفت ہو چکی ہے، جس کے بعد انہوں نے ایران کے خلاف مجوزہ فوجی کارروائی اور بمباری بھی منسوخ کرنے کا اعلان کیا۔

ٹرمپ کے بیان کے بعد عالمی منڈیوں میں مثبت ردعمل دیکھا گیا، اسٹاک مارکیٹوں میں تیزی آئی جبکہ تیل کی قیمتوں میں نمایاں کمی ریکارڈ کی گئی، کیونکہ سرمایہ کاروں کو امید پیدا ہوئی کہ خطے میں جاری کشیدگی کے خاتمے کی راہ ہموار ہو سکتی ہے۔

تاہم ایرانی وزارت خارجہ کے ترجمان اسماعیل بقائی نے واضح کیا کہ ایران نے ابھی تک کسی حتمی معاہدے کی منظوری نہیں دی۔ ان کا کہنا تھا کہ معاہدے کے بیشتر نکات پر پیش رفت ہوئی تھی لیکن بعد میں امریکی فریق نے نئی شرائط پیش کر دیں اور اپنے مؤقف میں تبدیلی کی، جس سے معاملات پیچیدہ ہو گئے۔

ایرانی میڈیا کے مطابق گزشتہ دو ماہ کے دوران بھی ٹرمپ متعدد مرتبہ معاہدے کے قریب ہونے کا دعویٰ کر چکے ہیں، تاہم اب تک کسی حتمی نتیجے کا اعلان سامنے نہیں آیا۔

دوسری جانب اسرائیلی وزیراعظم کے دفتر کے مطابق امریکی صدر نے اسرائیلی قیادت کو یقین دہانی کرائی ہے کہ کسی بھی ممکنہ معاہدے میں ایران کے افزودہ جوہری مواد اور میزائل انفراسٹرکچر سے متعلق اہم شقیں شامل ہوں گی۔

سیاسی مبصرین کا کہنا ہے کہ پاکستان، قطر اور دیگر علاقائی ممالک کی ثالثی کی کوششیں مذاکرات میں اہم کردار ادا کر رہی ہیں، تاہم مستقل جنگ بندی یا جامع معاہدے کے اعلان کیلئے دونوں فریقوں کی باضابطہ منظوری ابھی باقی ہے۔

امریکی صدر ڈونلڈ ٹرمپ نے ایران کے ساتھ معاہدہ قریب ہونے اور مجوزہ حملے منسوخ کرنے کا دعویٰ کیا ہے، تاہم ایران نے واضح کیا ہے کہ ابھی کسی حتمی معاہدے پر اتفاق نہیں ہوا۔

اگلی نیوز بھی پڑھیں :

دبئی میں سونا مزید سستا ہو گیا، 22 قیراط کی قیمت 500 درہم سے نیچے آ گئی

دبئی میں سونے کی قیمتوں میں مزید کمی ریکارڈ کی گئی ہے جہاں 22 قیراط سونا 495.25 درہم فی گرام تک گر گیا ہے۔

ماہرین کے مطابق عالمی سیاسی صورتحال اور امریکی معاشی پالیسیوں کے باعث سونے کی قیمتیں دباؤ کا شکار ہیں۔

تجزیہ کاروں کا کہنا ہے کہ امریکی روزگار کے اعداد و شمار اور مشرقِ وسطیٰ کی صورتحال سونے کی آئندہ سمت کا تعین کریں گے۔

اگلی نیوز بھی پڑھیں :

ابوظہبی میں کرایہ فریز، کرایہ داروں کیلئے بڑی خوشخبری، مالک مکان اب کرایہ نہیں بڑھا سکے گا

ابوظہبی حکومت نے کرایوں میں اضافے کی حد عارضی طور پر صفر فیصد کر دی ہے جس کے بعد مالک مکان معاہدے کی تجدید کے وقت کرایہ نہیں بڑھا سکے گا۔

یہ فیصلہ 2 جون 2026 کے بعد تجدید ہونے والے معاہدوں پر لاگو ہوگا۔

حکام کے مطابق یہ پالیسی اگلے نوٹس تک نافذ العمل رہے گی۔