اتحاد ریل کے مسافر ہوشیار! یہ خلاف ورزیاں آپ کو 10 ہزار درہم تک جرمانہ کروا سکتی ہیں

یو اے ای کی پہلی مسافر ٹرین **Etihad Rail** نے سفر کا آغاز کر دیا ہے، لیکن اگر مسافر قوانین کی خلاف ورزی کریں تو انہیں **200 درہم سے لے کر 10,000 درہم** تک جرمانہ ادا کرنا پڑ سکتا ہے۔

اتحاد ریل کی جانب سے جاری کردہ قوانین کے مطابق درج ذیل خلاف ورزیوں پر جرمانے عائد کیے جائیں گے:

**200 درہم جرمانہ:**
• سیٹ پر پاؤں رکھنا
• ٹکٹ کے بغیر سفر کرنا
• کرایہ ادا کیے بغیر سفر کرنے کی کوشش
• دوسرے شخص کے نام کا ٹکٹ استعمال کرنا
• رعایتی ٹکٹ کا غلط استعمال
• ریزرو سیٹ پر بغیر اجازت بیٹھنا
• ٹرین یا اسٹیشن پر کچرا پھینکنا
• شراب ساتھ لانا یا استعمال کرنا
• نشے کی حالت میں سفر کرنا
• غلط کلاس میں سفر کرنا
• عملے کی ہدایات پر عمل نہ کرنا

**500 درہم جرمانہ:**
• ممنوعہ جگہ پر سگریٹ یا ویپ استعمال کرنا
• شور شرابا، بدتمیزی یا دوسروں کو ہراساں کرنا
• چلتی ٹرین میں چڑھنے یا اترنے کی کوشش
• بغیر اجازت کمرشل فوٹوگرافی یا ویڈیو بنانا
• ٹرین کی تاخیر کا سبب بننا

**5,000 درہم جرمانہ:**
• چلتی ٹرین کا دروازہ کھولنے یا بند ہونے سے روکنے کی کوشش
• ایمرجنسی بریک یا حفاظتی آلات کا غلط استعمال
• ٹرین یا پلیٹ فارم سے چیزیں پھینکنا
• ریلوے ٹریک پر غیر قانونی داخل ہونا
• ٹرین یا اسٹیشن کی املاک کو نقصان پہنچانا
• ایمرجنسی دروازہ بلا وجہ کھولنا

اتھارٹی نے واضح کیا ہے کہ دیگر سنگین خلاف ورزیوں پر **100 سے 10,000 درہم** تک جرمانہ عائد کیا جا سکتا ہے، جس کا فیصلہ خلاف ورزی کی نوعیت کے مطابق کیا جائے گا۔

اتحاد ریل میں سیٹ پر پاؤں رکھنا، ٹکٹ کے بغیر سفر، سگریٹ نوشی، ایمرجنسی بریک کا غلط استعمال یا ریلوے ٹریک پر جانا آپ کو 200 سے 10 ہزار درہم تک جرمانہ کرا سکتا ہے۔

**اگلی نیوز بھی پڑھیں:**

اتحاد ریل نے مسافروں سے اپیل کی ہے کہ محفوظ اور خوشگوار سفر کے لیے تمام قوانین پر عمل کریں اور عملے کی ہدایات کی پابندی کریں۔

یاد رہے کہ اتحاد ریل کی افتتاحی سروس کے آغاز سے پہلے ہی **10 ہزار سے زائد ٹکٹ** فروخت ہو چکے تھے، جس سے اس نئی سفری سہولت میں عوام کی بھرپور دلچسپی ظاہر ہوتی ہے۔