آپ وزیراعظم کیوں نہیں بنے؟ نواز شریف کا صحافی کے سوال پر دلچسپ جواب
لندن: سابق وزیراعظم اور مسلم لیگ ن کے صدر نواز شریف سے لندن میں صحافی نے سوال پوچھ لیا۔
اے آر وائی نیوز کے مطابق سابق وزیراعظم نواز شریف برطانیہ سے امریکا روانہ ہوگئے لیکن امریکا روانگی سے قبل لندن میں نواز شریف سے صحافی نے سوال کیا کہ آپ وزیراعظم کیوں نہیں بنے؟
جواب میں انہوں نے کہا کہ کیا امریکا جانے سے پہلے یہ پوچھنا ضروری ہے۔
واضح رہے کہ 25 اکتوبر کو مسلم لیگ ن کے صدر نوازشریف غیرملکی ایئرلائن کی پرواز سے دبئی روانہ ہوئے تھے۔
ذرائع نے کہنا تھا کہ ن لیگی صدر کی لندن میں اہم ملاقاتیں بھی متوقع ہیں جبکہ وہ لندن میں اپناطبی معائنہ بھی کرائیں گے۔
پارٹی ذرائع کا کہنا تھا کہ 29 اکتوبر کو لندن سے نوازشریف امریکا جائیں گے اور امریکا میں 4 روزقیام کے بعد واپس لندن پہنچیں گے۔