کراچی: اسلامیہ کالج چوک پر 1964 سے نصب گلوب کو ہٹانے کی تیاری

کراچی (رپورٹ: افضل پرویز)کراچی کے اسلامیہ کالج چوک پر 1964 سے نصب گلوب کو ہٹانے کی تیاری کرلی گئی۔

اے آر وائی نیوز کے مطابق کراچی کے اسلامیہ گورنمنٹ کالج چوک کا یادگاری ورلڈ میپ گلوب ریڈ لائن پروجیکٹ کی وجہ سے ہٹایا جارہا ہے۔

1964 میں نصب کیا گیا یہ گلوب کئی انمول یادوں کا امین ہے۔

آج سے چھ دہائی قبل اسلامیہ کالج کے سامنے نصب کیا جانے والا ورلڈ گلوب فاؤنٹین جو آنے والے وقتوں میں کراچی کی معروف پہچان بن گیا تھا، جہاں ماضی میں فلمسازوں نے کئی نامور اداکاروں جسمیں وحید مراد، ندیم، کمال اور فیصل رحمان کے گانے و فلموں کو اس جگہ سے فلمایا گیا تھا۔

تاہم اب نئی نسل اس ٰثقافتی ورثے سے ناآشنا ہوگی کیونکہ دنیا کے نقشے پرمبنی یہ گلوب اب حسن اسکوائر پر نصب کیا جائے گا۔

اسلامیہ کالج کے عقب میں رہائش پذیر علاقہ مکینوں کا کہنا ہے کہ یہ قومی ورثہ ہے جسے بچپن سے دیکھتے آرہے ہیں، یہ کراچی کی پہچان ہے اس کی منتقلی اچھا اقدام ہے۔