سرد ہواؤں کے نئے سلسلے کی انٹری ، کراچی میں کڑاکے کی سردی پڑنے کا امکان
کراچی : محکمہ موسمیات نے سرد ہواوں کے نئے سلسلے سے کراچی کے شہریوں کو خبردار کردیا۔
تفصیلات کے مطابق ملک بھر سمیت کراچی میں سردی کی لہربرقرار ہے۔ محکمہ موسمیات کی جانب سے کہا گیا ہے کہ شہر میں سردی کی شدت میں معمولی کمی ہوئی اور کم سےکم درجہ حرارت 13.5 ڈگری ریکارڈ ہوا۔
شہر کا موسم آج سرد اور خشک رہے گا اور زیادہ سے زیادہ درجہ حرارت 27 ڈگری تک جانے کا امکان پے۔
محکمہ موسمیات نے کل سے سرد ہواوں کا سلسلہ شہر میں داخل ہونے کا امکان ظاہر کرتے ہوئے کہا درجہ حرارت سنگل ڈیجٹ پر آسکتا ہے۔
موسم کا حال بتانے والوں کا کہنا یہے کہ اس سسٹم کے تحت 21 سے 23 جنوری کے دوران سندھ کے شہر سکھر، جیکب آباد، لاڑکانہ اور دیگر مقامات پر ہلکی بارش متوقع ہے جب کہ صوبے کے دیگر مقامات پر مطلع ابر آلود رہ سکتا ہے
دوسری جانب محکمہ موسمیات نے کشمیر اور بلتستان میں بارش اور پہا ڑوں پر برفباری کی پیشگوئی کی ہے۔