سعودی شہزادہ انتقال کر گئے
ریاض: سعودی شہزادہ عبد العزیز بن مشعل انتقال کر گئے۔
سعودی پریس ایجنسی کے مطابق ایوان شاہی نے کہا ہے کہ شہزادہ عبد العزیز بن مشعل بن عبد العزیز آل سعود انتقال کر گئے ہیں۔
ایوان شاہی سے جاری بیان کے مطابق متوفی کی نماز جنازہ منگل کو ریاض میں جامع امام ترکی بن عبد اللہ میں عصر کی نماز کے بعد ادا کی گئی۔
ایوان شاہی نے متوفی شہزادے کے لیے رحمت و مغفرت اور درجات کی بلندی کی دعا کی۔
واضح رہے کہ گزشتہ سال اکتوبر میں سعودی عرب کے شہزادے سلطان بن محمد بن عبدالعزیز آل سعود بھی دار فانی سے کوچ کر گئے تھے، جب کہ اس سے قبل اپریل میں سعودی شہزادہ منصور بن بدر بن سعود بن عبدالعزیز دار فانی سے کوچ کر گئے تھے۔
فروری 2024 میں شہزادہ ممدوح بن سعود بن عبدالعزیز آل سعود کا بھی انتقال ہوا تھا۔