امریکی ڈالر نے تمام ریکارڈ توڑ دئیے

کراچی : پاکستان میں امریکی ڈالر 300 روپے سے بھی تجاوز کرگیا، 4 روز کےدوران ڈالر15 روپے 34 پیسے مہنگا ہو چکا ہے۔

تفصیلات کے مطابق امریکی ڈالر کی اونچی اڑان جاری ہے ، کاروباری ہفتے کے چوتھے روز بھی ڈالر بلند ترین سطح پر برقرار ہے۔

انٹربینک میں ڈالر 8 روپے 71 پیسے مہنگا ہو کر 298.93روپے کی بلند ترین سطح پر پہنچ گیاجبکہ اوپن مارکیٹ میں ڈالر 300روپے سے بھی اوپر فروخت ہونے لگا۔

فاریکس ڈیلرز کا کہنا ہے کہ بینکس درآمد کنندگان کوڈالر 297 روپےمیں اور اوپن مارکیٹ میں ڈالر301روپے سے اوپر فروخت کیا گیا۔

فاریکس ڈیلر کے مطابق 4 روز کے دوران ڈالر 15 روپے 34 پیسے مہنگا ہو چکا ہے۔

گزشتہ روز انٹربینک میں ڈالر 5 روپے 38 پیسے مہنگا ہوکر ڈالر 290 روپے کی بلند ترین سطح پر بند ہوا تھا، انٹربینک میں ڈالر پہلی بار 290 روپے 22 پیسے پر بند ہوا، ماہرین کا کہنا تھا کہ طلب پر روپے پر شدید پریشر دیکھاجا رہا ‌‌ہے۔