فاسٹ ٹریک پاسپورٹ کیسے بنتا ہے؟ کنتی فیس ادا کرنی ہوگی؟

محکمہ پاسپورٹ کی درخواستوں کے لیے تین زمرے پیش کرتا ہے، جس میں نارمل، ارجنٹ اور فاسٹ ٹریک شامل ہیں تاہم دو دن میں پاکستانی پاسپورٹ کیسے بنتا ہے؟

ڈائریکٹوریٹ جنرل آف امیگریشن اینڈ پاسپورٹ شہریوں کو ان کی دستاویزات کی تصدیق کے بعد پاسپورٹ جاری کرنے کا مجاز اتھارٹی ہے۔

محکمہ پاسپورٹ کی درخواستوں کے لیے تین زمرے پیش کرتا ہے، نارمل، ارجنٹ اور فاسٹ ٹریک، درخواست دہندگان کی ایک قابل ذکر تعداد فاسٹ ٹریک آپشن لینے پر مجبور ہے کیونکہ دیگر دو زمروں میں بڑے پیمانے پر تاخیر ہوتی ہے۔

فاسٹ ٹریک سروس کے تحت درخواست گزار کو دو دنوں میں پاسپورٹ جاری کر دیا جاتا ہے۔

فاسٹ ٹریک کی سہولت اسلام آباد راولپنڈی، لاہور، ملتان ، پشاور ، کراچی ، کوئٹہ ، گوجرانوالہ ، فیصل آباد ، سیالکوٹ ، گجرات ، شیخوپورہ ، منڈی بہاؤالدین ، نارووال، ٹوبہ ٹیک سنگھ ، جہلم، مردان ، سکھر ، حیدرآباد، پشین ، مستونگ میں دستیاب ہے.

جو پاکستانی شہری جو دو دنوں میں اپنا پاسپورٹ حاصل کرنا چاہتے ہیں وہ فاسٹ ٹریک کیٹیگری کا انتخاب کر سکتے ہیں، درخواست جمع کرانے کے دو دن بعد ہی انہیں پاسپورٹ جاری کر دیے جاتے ہیں۔