دوست کو شادی کا تحفہ دیتے ہوئے نوجوان اسٹیج پر گر کر ہلاک، ویڈیو وائرل
بھارتی ریاست تلنگانہ کے صدر مقام حیدرآباد (دکن) کے علاقے کرنول میں شادی کی خوشیاں سوگ میں تبدیل ہوگئیں، جب دوست اور اسکی دلہن کو تحفہ دیتے ہوئے نوجوان زندگی کی بازی ہار گیا۔
بھارتی میڈیا رپورٹس کے مطابق سوشل میڈیا پر واقعے کی ویڈیو بھی وائرل ہورہی ہے، جس میں دیکھا جاسکتا ہے کہ تحفہ دینے والا شخص اسٹیج پر کھلکھلاتے چہروں کے درمیان توازن کھوتا ہوا نیچے گر جاتا ہے۔
رپورٹس کے مطابق ومسی نامی یہ شخص بینگلور میں ایمازون کے دفتر میں نوکری کرتا تھا، کرنول کے گاؤں میں دوست کی شادی کی تقریب میں شرکت کیلیے اپنے شہر سے یہاں پہنچا تھا۔
دلہا نے تحفہ لینے کے بعد اسے کھولا تو عین اسی وقت نوجوان بیہوش ہوکر گرنے لگا، وہاں موجود لوگوں نے اسے پکڑنے کی کوشش کی مگر وہ نیچے گر گیا۔
ومسی کو فوری طور پر قریبی اسپتال منتقل کیا گیا، جہاں ڈاکٹروں نے اسے مردہ قرار دے دیا جبکہ اسکی موت کی وجہ دل کا دورہ قرار دیا گیا۔