کراچی: گارڈن سے اغوا ہونے والے بچوں کے والدین کیا کہتے ہیں؟ ویڈیو رپورٹ

کراچی کے علاقے گارڈن سے 8 روز قبل مبینہ طور پر اغوا کیے گئے دو بچوں کو پولیس تاحال تلاش نہ کرسکی۔

اے آر وائی نیوز کے مطابق کراچی کے علاقے گارڈن سے اغوا ہونے والے ننھے عالیان اور علی رضا کو 8 روز گزرنے اور سی سی ٹی وی فوٹیج سامنے آنے کے بعد بھی پولیس تلاش کرنے میں ناکام ہوچکی ہے۔

موٹر سائیکل پر نامعلوم مرد اور خاتون کو بچوں کو چیل چوک لے جاتے ہوئے دیکھا گیا تھا۔

والدین کا کہنا ہے کہ پولیس ہم سے تعاون کررہی ہیں لیکن ملزمان کی جانب سے کوئی فون کال نہیں آئی ہے۔

انہوں نے کہا کہ 8 دن سے لگاتار پولیس سے یہی سن رہے ہیں کہ آج آئیں گے کل آئیں گے، ہمیں نہ کسی نے تاوان کے لیے کال کی اور نہ ہی ہمیں کسی پر شک ہے۔

بچوں کے والدین کا کہنا ہے کہ پولیس ملزمان کو جلد از جلد گرفتار کرکے ہمیں ہمارے بچے حوالے کرے۔