دبئی ایئرپورٹ سے تین ماہ میں دو کروڑ 12 لاکھ افراد نے سفر کیا

متحدہ عرب امارات میں دبئی انٹرنیشنل ایئرپورٹ سے سال رواں کی پہلی سہ ماہی کے دوران 21.2 ملین افراد نے سفر کیا ہے۔
الامارات الیوم نے نئے اعدادوشمار کے حوالے سے بتایا کہ پہلی سہ ماہی کا 95.6 فیصد تک ہدف حاصل ہو گیا۔

دبئی انٹرنیشنل ایئرپورٹ سے سال رواں کے ابتدائی تین ماہ کے دوران دو کروڑ 12 لاکھ 56 ہزار 489 افراد نے سفر کیا۔ 2022 کی پہلی سہ ماہی کے مقابلے میں سفر کرنے والوں کی تعداد 55.8 فیصد زیادہ رہی ہے۔
2019 کی پہلی سہ ماہی کے بعد سے پہلی بار دبئی ایئرپورٹ سے اتنی بڑی تعداد میں لوگوں نے سفر کیا۔ اس وقت سفر کرنے والوں کی ماہانہ اوسط تعداد 70 لاکھ تک پہنچ گئی تھی۔
سال رواں کی پہلی سہ ماہی کے دوران سب سے زیادہ سفر مارچ میں کیا گیا۔ سفر کرنے والوں کی تعداد 7.3 ملین ریکارڈ کی گئی۔اس تناظر میں جنوری 2020 کے بعد سے مصروف ترین مہینہ مارچ 2023 رہا۔ جنوری 2022 میں دبئی ایئرپورٹ سے 7.8 ملین افراد نے سفر کیا تھا۔
دبئی انٹرنیشنل ایئرپورٹ 99 ممالک کے لیے 89 فضائی کمپنیوں کے ذریعے 234 سے زیادہ ایئرپورٹس کو جوڑے ہوئے ہے۔

Leave a Reply

Your email address will not be published. Required fields are marked *

Back to top button

Adblock Detected

ڈیلی گلف اردو میں خوش آمدید براہ کرم ہماری سائٹ پر اشتہارات چلنے دیں ایسا لگتا ہے کہ آپ اشتہار روکنے کیلئے ایڈ بلاکر یا کوئی اور سروس استعمال کر رہے ہیں۔ ہم اپنی سائٹ کو چلانے کے لیے اشتہارات پر انحصار کرتے ہیں۔ برائے مہربانی ڈیلی گلف اردو کی سپورٹ کریں اور اشتہارات کو اجازت دیں۔