سپریم کورٹ کا بڑا فیصلہ ، سرکاری ملازمین کے لیے اہم خبر آگئی
اسلام آباد: سرکاری ملازمین کے حوالے سے سپریم کورٹ کا اہم فیصلہ سامنے آگیا، پالیسیز اور پیکجز پر کوٹہ غیرآئینی قرار دے دیا گیا۔
تفصیلات کے مطابق سرکاری ملازمین کے بچوں کے کوٹہ سے متعلق سپریم کورٹ نے فیصلہ جاری کردیا۔
سپریم کورٹ کا11 صفحات پر مشتمل فیصلہ جسٹس نعیم اختر افغان نے تحریر کیا، جس میں سرکاری ملازمین کے بچوں سے متعلق پالیسیز اور پیکجزپرکوٹہ غیرآئینی قرار دے دیا گیا۔
سپریم کورٹ نےجی پی اوکی اپیل منظورکرکےپشاورہائیکورٹ کا2021 کا فیصلہ اور کوٹہ سے متعلق پرائم منسٹر پیکج فار ایمپلائمنٹ پالیسی اور اس کا آفس مینوریڈم کالعدم قرار دے دیا۔
عدالت نے کوٹہ سے متعلق پرائم منسٹر پیکج فار ایمپلائمنٹ پالیسی اور اس کا آفس مینوریڈم ، سندھ سول سرونٹس رولز 1974 کے سیکشن 11 اے بھی کالعدم قرار دیا۔
فیصلے میں خیبرپختونخوا سرول سرونٹس رولز 1989 کا سیکشن 10 زیلی شق 4 اور سپریم کورٹ نے بلوچستان سرول سرونٹس رول 2009 کی شق 12 بھی کالعدم قرار دے دی گئی۔