معروف اداکار اعجاز اسلم کی والدہ انتقال کرگئیں

پاکستان شوبز انڈسٹری کے معروف اداکار اعجاز اسلم کی والدہ ماجدہ فانی دنیا کو خیر باد کہہ گئیں۔

معروف اداکار اعجاز اسلم نے انسٹاگرام پر پوسٹ شیئر کرتے ہوئے اپنے چاہنے کو آگاہ کیا ہے کہ ان کی والدہ انتقال کر گئی ہیں۔

معروف اداکارنے اپنی والدہ کی ایک یادگار تصویر شیئر کی جس میں انہیں اسپتال کے سفید لباس میں ملبوس دیکھا جا سکتا ہے، جس سے اندازہ لگایا جاسکتا ہے کہ ان کی والدہ علیل تھیں۔

انہوں نے انسٹاگرام پوسٹ کے کیپشن میں تحریر کیا کہ میری پیاری والدہ اس جہاں کو چھوڑ کر بہتر جہاں میں چلی گئیں۔

اُنہوں نے مزید لکھا کہ والدہ کی مہربانی، محبت اور حکمت ہمیشہ میرے دل میں رہے گی، جیسے ان کے جانے کا غم ہمارے دل میں ہمیشہ تازہ رہے گا۔