صبا قمر کو یونیسیف پاکستان نے سفیر مقرر کردیا
معروف اداکارہ صبا قمر کو بچیوں کے حقوق کے لیے یونیسیف پاکستان نے اپنا سفیر مقرر کردیا۔
شوبز انڈسٹری کی نامور اداکارہ صبا قمر کم عمر لڑکیوں کی آواز بنیں گی، اقوام متحدہ کے ادارے یونیسیف نے انہیں بچیوں کے حقوق کیلئے اپنا سفیر مقرر کردیا ہے۔
پانی کے مسائل کو حل کرنے سے لے کر تعلیم و صحت پر کام کرنا ترجیحات میں شامل ہوگا۔
کم عمری میں بچیوں کی شادی کے سلسلے کو روکنے کا مقصد بھی پراجیکٹ کا حصہ ہوگا۔
کراچی میں یونیسف پاکستان کے نمائندہ عبداللہ فادل اور صبا قمر نے معاہدے پر دستخط کیے، عبداللہ فادل نے کہا کہ پاکستان میں یونیسف ایک طویل عرصے سے خدمات انجام دے رہا ہے۔