بانی پی ٹی آئی کی رہائی کے لیے ملک گیر احتجاج کا فیصلہ
تفصیلات کے مطابق وزیرخوراک کے پی ظاہر شاہ طورو نے اپنے بیان میں کہا کہ بانی چیئرمین کی رہائی کے لیے پی ٹی آئی نے ملک گیر احتجاج کا فیصلہ کر لیا ہے، 14 جون کو ملک بھر میں احتجاجی مظاہرے ہوں گے۔
ظاہر شاہ طورو کا کہنا تھا کہ وزیراعلیٰ علی امین گنڈاپور نے بھی صوبے کے تمام اضلاع میں بھرپوراحتجاج کااعلان کیا ہے، احتجاج میں بانی پی ٹی آئی کےخلاف بنائےگئےجعلی کیسزکی بھرپور مذمت کی جائے گی۔
صوبائی وزیر نے کہا آئین اور قانون کی خلاف ورزی کی اجازت کسی کو نہیں دیں گے۔
انھوں نے بتایا کہ مردان میں احتجاجی مظاہرہ شام پانچ بجے ہوگا، کارکن اور عوام مظاہروں میں بھرپور شرکت کریں گے۔